{منـتـديـآت آرسـ♥ــم طــبــرق}


    الشتاي احــــــــــــــــــواس اهداء خاص للاداره

    شاطر
    avatar
    العزومي
    .
    .

    عدد المساهمات : 143
    تاريخ التسجيل : 28/01/2012
    العمر : 27

    الشتاي احــــــــــــــــــواس اهداء خاص للاداره

    مُساهمة من طرف العزومي في الخميس فبراير 02, 2012 12:51 am

    الشتاي احواس
    احواس قال:هظا حال الدنيا كنك كان عطاتك تاخذ منك
    احواس قال:تلحق فيه غلاي ضبابه ياقسميه ياخرابه
    احواس قال:قعد مرسالي ماشي اوجاي اتنقو يا حساد معاي
    احواس قال:الخاطر طايح ف مرسال اعمد لولاف تعال تعال
    احواس قال:انجول ع دار قديمين اومنها نقلع نوم العين
    احواس قال:تمت يادار اتسييبا موعرها ولجيا غيبا
    احواس قال:طوح ياياس الي فيدك جاك العقل ايريد غديدك
    احواس قال:نالاهي ولغالي لاهي كان اقدر نسياتي باهي
    احواس قال:الخاطر ماتن فيه اعروق انكان انسيتو جت من فوق
    احواس قال:انسيني ننساه علي طول اتريد اتقول سبابل قول
    احواس قال:قديم انسيتا هضا بيش الي ماتت ماعاد اتعيش
    احواس قال:الي صارتلي دوخت راس علي ميت ننشد فلناس
    احواس قال:الغالي ملتطات اقسما كان اقسم دقولي شاما
    احواس قال:ياجياب الطرفا وينك والله بانن فيك اسنينك
    احواس قال:جياب الطرفا البعيده كل نهار العقل ايريده
    احواس قال:عليها واخذ يابو زيد الغربا ولممشا البعيد
    احواس قال:الله الله لو في اعزوم غوالي ننساهم ماليوم
    احواس قال:انسيتو يالولاف زمان كفيتونا كفيت حيظان
    احواس قال: انهلب كل رقادت ريح الا من عين عزيز انطيح
    احواس قال:اتصدق عل لنضار ايهون قعد مرا مرا مرهون
    احواس قال:الغالي دايرها بل عاني وين ايحق عرب ينساني
    احواس قال:برمنا يادار القيناك زمانك بارم من يالاك
    احواس قال:يمشي براي الي داره نين عزيز ايضوق امراره
    احواس قال:علي غالي وله لنظار سماحتا تبقا دبار
    احواس قال:الي كي حالي كيف ايدير ايغرد والله يسكت خير
    محمد ع الله قال:يلي منيتو ابغلاكم حتا نا نقدر ننساكم
    صار خطا منهم مو منا بالك ياعيني اتهنا
    احواس قال:تعتا يجري شور خطاه عزيز اونحنا لنا الله
    احواس قال:نسمع في حس بنديري غير لهتني حضرت غيري
    احواس قال:ياعقلي وسعلي بالك ني غلا يسوا نلقالك
    احواس قال:يانا ياعيني نجرولك كيف اقدم بالك نلقولك
    سالم بو البيضا قال:عابو لولاف البل عابت مايحسابو كبدي ذابت
    احواس قال:غلانا لانما لامات اتقول الا راضع سيات
    احواس قال:القينا جرا وين اتشيل مشينا قبل ايطيح اليل
    احواس قال:تمشي ع جرا مازالت لاردت لافيهم طالت
    احواس قال:واخذ علي خطوه اطويل ولي اطيح ورا يمشيله
    احواس قال:كيف عزيز ايوري فينا كابر ياعين علي دينا
    احواس قال:تعرف غالي تعرف سرا لاهي علم اولاهي ضرا
    احواس قال:عزيز ابعقلا تحسابوه امغير انكان اذهب خلوه
    احواس قال:هاضا يامرهون كلامي وين امعدي يامتعامي
    احواس قال:حلفنالك ياعين عليه المسده ماعمرك ريتيه
    احواس قال:ضيقت علم الخاطر ديما يابال اتسير اتضليما
    احواس قال:الله غالب يابكايات العام هضا كيف الي فات
    احواس قال:هاضا ماحصلنا منا تقهير علي قل محنه
    احواس قال:كل ادموع الهن فاهقهن ربك منغادي خالقهن
    احواس قال:تلقاني ساكت ع غايب لاكن جوا فيه قلايب
    احواس قال:قناتك يانشال اجمام اسقيهن قبل ايجي اضلام
    احواس قال:وين ايجنك تلغب فيهن داشع يانشال عليهن
    احواس قال:اعزاز محاورهم فنار انطيح ايديرو في نهار
    احواس قال:العقل امرايف ع لولاف ايحنلهم حن ام خفاف
    احواس قال:الي يحمشلا هو النصيب غلانا مايبي تحطيب
    احواس قال:صنعتك ياغالي لله الدوا ماهيش امزابه
    احواس قال:حزت يالولاف امعانا ماتشرب غير العطشانه
    احواس قال:نا ولولاف امخربها نار امطفيها صاحبها
    احواس قال:غوالي جد عليهم راي ايريدو ايشيلو من يالاي
    احواس قال:العين اتحركى تنهال اتقول امحرك صيف ارمال
    احواس قال:الله غالب يالقديمين بكيتلكم ونتو حيين
    احواس قال:الله غالب يابكيات اتراب الغالي مو نبات
    احواس قال:املقط ياالقديم غلاك ادعا من هناك اوهناك
    احواس قال:خذيت عليها لي زمان اسواي علي قيس الجيعان
    احواس قال:وين غلا لولاف تقاوا فرغنا قبل الغناوا
    احواس قال:اتقول الا مقيولا لي اسكته في جرتا شي
    احواس قال:قسمك ياخذها من يدك مرات اومرات ايودك
    احواس قال:انصبو فلغربال شراب انكان مسك جوك الغياب

    avatar
    الادارة
    .
    .

    عدد المساهمات : 108
    تاريخ التسجيل : 16/12/2011
    العمر : 24

    رد: الشتاي احــــــــــــــــــواس اهداء خاص للاداره

    مُساهمة من طرف الادارة في الخميس فبراير 02, 2012 1:06 am



    احواس قال:تعتا يجري شور خطاه عزيز اونحنا لنا الله



    اى والله صح السانك ويعطيك الصحه اسلمت
    avatar
    العزومي
    .
    .

    عدد المساهمات : 143
    تاريخ التسجيل : 28/01/2012
    العمر : 27

    رد: الشتاي احــــــــــــــــــواس اهداء خاص للاداره

    مُساهمة من طرف العزومي في الخميس فبراير 02, 2012 1:28 pm

    وصح السانك سلمك غلاي
    avatar
    الصقر الجارح
    .
    .

    عدد المساهمات : 13
    تاريخ التسجيل : 18/12/2011
    العمر : 35

    رد: الشتاي احــــــــــــــــــواس اهداء خاص للاداره

    مُساهمة من طرف الصقر الجارح في السبت سبتمبر 15, 2012 12:49 am

    تسلم وصلت هديتك يا العزومي

      الوقت/التاريخ الآن هو الإثنين أبريل 23, 2018 6:30 pm